Predani su ključevi, održana je dječja povorka, pjena party, a večeras slijedi finale
SENJ Karnevalska tradicija, nakon dvije korona godine, zasjala je u svom punom sjaju, 49. Međunarodni senjski ljetni karneval privukao je pozornost Senjana, domaćih i stranih turista, a program raznolik i bogat. Mnoštvo posjetitelja pratilo je primopredaju vlasti, a inauguraciji meštra karnevala prethodila je mala karnevalska povorka u kojoj je bio meštar Feralić s gradskom svitom i zaposlenicima turističke zajednice. Predvodila ju je Gradska glazba Senj i članice senjske Plesne skupine Maya s dance nation koje su nosile karnevalsku zastavu.
Meštar se u svom govoru osvrnuo na koronu, ali i na novo vrijeme.
“Puno je njih ve dane tilo doć u Senj, al ne moredu jer su svi apartamni popunjeni. Potle puna dva leta evo nas jopet na iston mestu i u isto vrime. U va dva korona leta svašta se izdogađalo, al najgore je ća ni bilo mesopusta i karnevala. Ta korona se zalipila za celi svit i arivala je nažalost i do Senja. Život je stal, sve se zaprlo, morale su se nosit maske kaj da smo na mesopustu. Stalno su klamali perite ruke i noge, kajda to prije nismo delali, držite razmak, nemojte se s nikin družit, nesmite se ljubit ni sa ženon ni sa curon, a kamoli ne stvari delat. Delalo se on line i škola se finjevala on line. Nastava je išla kroz Viber, SMS,Tik-Tok… i ne znan kako se to sve zove. A onda je došal veliki popis ljudi ki je pokazal da nas puno fali. Ni ni čudo jerbo puno njih gre u beli svit priko volje i znate ča zijadu da će in vani nebit lipo, al puno bolje. A sada kada je počelo novo vrime, taman kad smo se navikli prat ruke i noge, evo ti vranića, mora se šparat na vodi, eto ti inflacije, plaće i penzije dođu jedanput misečno , duradu par dan i onda prst i uho i pivaj. Kažedu da ćemo se grijat na 21, a hladit na 25. Pa nas više niš ne more ugrijat, mi smo već pothlađeni jerbo smo stalno u minusu. Sve poskupljeva, ulje, cukar, benzin, a jedan Senjanin mi je rekal da njega ni briga ća benzin poskupljeva jer on avto stalno tanka za pedeset kun”, rekao je senjskom puku prije preuzimanja vlasti karnevalski meštar Feralić.
A priča se uvatila i Sabora jer je kod njih ručak poskupio s 15 na 18 kuna.
“Oni očedu dilit sudbinu puka, a ča se grijanja tiče preporučan da se više stišćemo. Letrike će bit samo par sati dnevno i puno će rabit milikerci i petrolejke, sve poskupljeva, samo je čovik sve jetiniji. Ljudi moji ki zna ča nas još čeka ve zime. Zato dajte mota i volje, jer jednog lipog dana bit će bolje. Treba živi u nadi, verovat svima, a osobito našoj Vladi. Jerbo u nadi je spas za sve nas, da budućnost bude svitlija nego ča sad izgljeda. Utovarite se svi, koliko vas ima u vaj maškarani autobus, živite za vaj momenat, za vaj karneval, za munjasanje, tacanje, pivanje, a za sve drugo ćemo mislit kad karneval fini. Zato malo tancanja, malo benavljenja, ki žmulj, malo smiha i trun griha”, poručio je meštar Feralić, a ključeve grada predao mu je gradonačelnik Jurica Tomljanović koji je upozorio Feralića da pazi kako upravlja gradskim novcem.
– Nemate brige. Vi se odmorite, čeka vas vruća jesen, a ako kadi zapnete zovite nas, znate kadi smo, poručio je Feralić.
Uslijedila je zabava do jutarnjih sati uz svirku i pjesmu senjskog benda Trio Marinero, te Maju Šuput i Enjoy Band.
Sinoć je održan dječji karneval i disko party za djecu, te zabava za odrasle na trgu Cilnica uz band Opća opasnost. Poseban parformans priredila je senjska maškarana skupina Senjski oriđinali čiji su članovi uprizorili odgođeno finale Wimbledona radi kojeg su u Senj “stigli” Princ Charles, Mc Enroe i druga svita.
Kulminacija senjskog karnevala očekuje se večeras, kada će gradom proći velika maškarana karnevalska povorka s 37 grupa. Nakon povorke na Trgu Cilnica nastupit će Swing Express Band i Igora Delača, a na Pavlinskom trgu posjetiteljima će biti priređen Elektro-karneval party i Angels Dance Company Show.
